Liña di keho 0800 0922

Ku orguyo mi ta tuma nota ku despues di a alerta Gobièrnu na mas di un okashon tokante e inportansha di tin un bon servisio di telekomunikashon (internèt). Minister di VVRP a instrui  BTP pa habri e liña di keho 0800 0922 pa asina pueblo por trese su keho dilanti i asina BTP por atende ku esaki. Banda di esaki tambe mi a nota ku djaweps awor lo sigui ku e reunion den Parlamento pa atende ku e punto ariba menshona.

No opstante tur loke ya a logra kaba mi ke tòg sa di Minister Cooper e siguiente puntonan.

1. Kon ta pará ku e lèi nobo di telekomunikashon?

2. Na momentu ku BTP haña un keho, ki ta e pasonan ku BTP lo tuma pa atende ku esaki?

 3. Ki ta e pasonan ku  Gobièrnu lo tuma na momentu ku un kompania di telekomunikashon ta den omishon?

Nos di Partido Inovashon Nashonal (Pin) lo sigui vigila e situashon aki asina pueblo por haña un alivio.

+++++++++++++

Nota pa Redakshon Pa mas informashon por hasi kontakto ku Shandell G. Matrono miembro di Partido Inovashon Nashonal (Pin).